Sports

ATP Finals: Carlos Alcaraz para Andrey Rublev ke haraishey

November 14, 2024
5 Views

Turin, 14 November : Carlos Alcaraz ATP Finals te biya para shuru kuri dise Wednesday te Andrey Rublev ke entertainin match te harai kina, 6-3, 7-6 (10/8) score te jiti loise. Itu jeet alak semfinal pahunch jabo nimite Alcaraz laga hope bi boost kuri dise. World number three Alcaraz comfortable Rublev ke harai dise aru John Newcombe Group laga bottom pora ulai loise, thakile bi match te aghi fatigue aru bimar pora struggle kuri thakishey.

Alcaraz ke bishi doubt thakise jetiya Casper Ruud tou straight sets te harise opening match te, aru Turin te continue kuribo na nakuribo bishi doubt thakise itu piche te aru julti training session Tuesday te khotom kuri dise. Tai laga coach Juan Carlos Ferrero koise Alcaraz ke hawa lobole bi dikkat hoise.

Alcaraz, jun ase Wimbledon aru French Open champion itu season te, first set 38 minutes te aaram para uthi loise, Rublev ke khel seven te break kuri dishe aru next doita khel bi julti jitise aru ekta set forward jabo nimite. Aru jetiya bhi Spaniard ke second set te aru olob dikkat hoise, spectators ke bishi enjoy kurise tai laga spectacular shots te, aru etia tai laga best form te punchi thakibo paribo laga signs bi ase.

Alcaraz straight sets te jitina jaishey itu matlab ase Casper Ruud Alexander Zverev, duita Finals champion ke harabo pareley semifinals te punchibo. Rublev etiya bottom te ase choyta straight Finals match hare piche, huilewi tai bi bishi tight fight kurise aru doita chances thaikina bi second set jitibo paribo thakise.

World No.1 Jannik Sinner bhi itu season te ATP Finals trophy jiti loile khushi hoibo lage, aru top te ase Taylor Fritz ke 6-4, 6-4 te haraise aru Ilie Nastase Group te 2-0 record te ase Tuesday raati te. Fritz Sinner ke shuruwat te tight challenge diise, kintu Italian khiladi tai laga khel raise kuri loise aru 1 hour 40 minutes te jitise, aru ATP Head-2-Head te 3-1 kuri dise.

Sinner, jun ase 2024 te Tour-leading eighth title chase kuri ase, etiya strong chance ase next round te jabo nimite, ekta set bhi drop nakuri kina. Tai laga 2-0 perfect record Ilie Nastase Group te extend kuriboley kosis kuribo Thursday te fourth seed Daniil Medvedev ke bi ulai thakibo.