ATP Paris Masters: Marin Cilic Aro Milos Raonic Chiti Kena Suru Hoise

Paris:  Monday te Marin Cilic aro Milos Raonic pora Paris Masters second round te jaga book kuri kena ase.

Cilic pora Poland laga Hubert Hurkacz ke 7-6(5) 6-4 pora harai di kena etya second-round te teen bar  Grand Slam champion Stan Wawrinka logot te log kuribole ase.

Canadian Raonic capitalised pora AccorHotels Arena te ekd ghonda te  Britain’s Cameron Norrie ke  6-3 6-2 pora harai dise.

Rogers Cup in August pora loi kena Raonic lga komor jokom pora tai teenta match te hi jabole olaise, hoile bhi  2014 Paris runner-up pora ektam bura tagot te wawpas ahi kena tai pora 14 aces marise.

Raonic etya nuton chitya Vienna Open champion Dominic Thiem logot te log kuribo.

World number three Federer bhi tournament te pora olai jaise kintoh tai season-ending ATP Finals te jabole karne set kuri ase.

38 umar  Swiss pora tai laga 10th Swiss Indoors championship title tai nijor laga hometown Basel te Sunday te chiti kena record bonaise aro season laga habta te bar bar nakhilibole karne faissla loise.

“Moi Paris Masters te pora olai jaa toh ektam biya lagi ase,” Federer pora koise.

“Moi nijor ke speed odhai dibole lage kintoh moi pariya tak ATP Tour te khili kena jabole mon jai ase. Moi laga French fans karne ektam sorry ase tai khan ke moi ahiya sal Roland Garros te log kuribo.”

Federer, Novak Djokovic, Rafa Nadal, Daniil Medvedev, Thiem aro Stefanos Tsitsipas khan pora ahiya mohina laga  ATP Finals karne jaga pai kena ase.

Italian Andreas Seppi pora  Federer ke botli kurise aro second rond te Moldova’s Radu Albot logot te log kuribo.