Melbourne, 21 December : Tactical timeout etiya ATP-WTA laga season-opening United Cup te mixed-doubles matches nimite allow kuribo dise, Friday din organisers khobor ulai dise, aru idu tennis te ekta world first ase.
Nothun rule hisab te ekta player nai captain 60-second timeout call kuribo paribo strategy discuss kuribo nimite, team zone courtside te ekta dangor red buzzer press kuri kene.
Timeout sirf serve koribole time te use kuribo paribo, first aru second serve majhote noholi, aru ekta team nimite match te maximum ekbar he allow hobo. Singles matches te idu rule no use hobo.
18-team laga United Cup 2025 season laga shuru December 27 para January 5 porjonto Perth aru Sydney te hobo, Australian Open Grand Slam, Melbourne laga agor event te.
Idu tournament te protibakta team te tinta male aru tinta female players ase, aru ties ekta men’s aru ekta women’s singles match aru ekta vaak mixed-doubles clash milaikena hobo. Dunia laga dangor dangor players, jaisey Iga Swiatek aru Alexander Zverev, etiya tournament te sign up kuri dise.
Add Comment