AUS-W vs IND-W one off test: India 10 wickets para hare she Australia khan laga hath te para

Perth, March 8, 2026: Australia khan para India khan ke 10 wicket te para harai de she, one-off Womens day- night Test te, kunto Perth te khele she, Sunday te. Australia khan shuru te para he kam kure she jete bole, tai khan India khan ke 149 khale karne bowling out kure de she second innings te. Utu match toh skipper Alyssa Healy laga farewell thake she, kun tai laga carrer toh India khan ke harai kena khotom kure she. Third day te, India toh 105/6 para shuru kure she. Aro India laga batter Pratika Rawal aro Sneh rana para India karne 132 te poncha bole pare she. Garner aro Player of the Match Annabel Sutherland para India laga innings toh khotom kure de she. Rawal para ekta ball ke boundary laga phane mare she, hoile be Sutherland para dure loi she aro tai ke out kure de she. Aro India laga innings tate para he khotom kure de she. India laga skipper Harmanpreet kaur para koi she ki, tai khan T20Is toh jete bole pare she, hoile be ODIs aro Test khan te bhal para khele bole pare nai. India Women: 198 and 149 all out in 48.2 overs (Pratika Rawal 63, Sneha Rana 30; Lucy Hamilton 3/32, Annabel Sutherland 2/15, Alana King 2/23, Ashleigh Gardner 2/8). Australia Women: 323 and 28/0 in 4.3 overs (Georgia Voll 16) by 10 wickets.