Colombo, 2 November : Australia January aru February 2025 te duita Test series aru ekta ODI khelibo karone Sri Lanka tour koribo, etu Sri Lanka Cricket Friday te announce korise. Etu Test series ICC World Test Championship Cycle 2023-25 laga part ase, juntu te Australia second position te ase, point percentage 62.5% aru Sri Lanka third place te ase, point percentage 55.56% logot te.
Australia January 20, 2025 te Sri Lanka punchibo aru duita Test match sob Galle te khelibo. First match January 29 te shuru koribo aru second match February 6 te shuru koribo. Ekta ODI February 13 te hobo, kuntu laga venue confirm huanai.
Etu Test series duita team laga chances te impact koribo pare WTC final qualify koribo karone, juntu ahi saal June te Lord’s te khelibo. Series shuru koribo agey te, Australia India, juntu current WTC topper ase, take November 22 pora January 7 tak panchta Test series host koribo. Toh Sri Lanka South Africa tour koribo aru duita Test series November 27 pora December 9 tak khelibo. Australia laga agey te tour Sri Lanka te Test series 1-1 te draw hoise, Sri Lanka ODI series 3-2 te jiti loise aru Australia T20I series 2-1 te jiti loise.
Add Comment