Agencies, 04 August: Tuesday te Cricket Australia para West Indies logode kelaaf three-match T20I series khelibole thaka toh postpone kora khobor janaishe. Etu series toh October laga first hapta suru hobole thaka ase.
T20I series toh Townsville, Cairns aro Gold Coast jaga te October 4, 6 aro 9 te lobole thaka ase. Aro etu toh etu sal laga T20 World Cup nahowa agae te daiyari phal koribole nemide hobole thaka ase. Hoilebe International Cricket Council (ICC) para etu toh COVID-19 pandemic nemide postpone korideshe.
Cricket Australia para tai khan laga official Twitter handle te koise, Cricket West Indies logode eki, ami khan etu sal October te Twenty20 series toh Queensland te lobole thaka postpone koribole manishe.
Aro koise, ICC T20 World Cup nemide warm-up hisaab te serve kora, series toh etiya T20 World Cup in Australia te 2021 nahoile 2022 logode thakibole ase.
Australia’s next international assignment toh limited-overs series ase. Etu te tinta T20Is aro besi ODIs thakibole ase aro etu toh September 4 dlaga direk para suru koribole plan ase.
Daily Telegraph te report hisaab te, planned fixtures te Australia para T20Is toh September 4, 6 aro 8 te khela thakibo aro ODIs toh September 10, 12 aro 15 te khela thakibo. Australia team khan UK te toh private flight para ponjibole bhabona ase.
Cricket Australia para players laga 26-man preliminary list naam korise aro judi tour toh confirm hoise koile etu list kora para final squad junibo.
Add Comment