March 17, 2024: Australia laka Foreign Minister Penny Wong, kun country laka first openly gay female parliamentarian ase, tai taila partner Sophie Allouche lokot sathi kuri shae, Wong para Sunday din deh kui shae.
“Mukan kushi deh ase, mukan laka kandan manu aro sathi kan mukan lokot deh etu special din tho share kuri bole para tho,” Wong para taila social media platform deh kui shae. Tai etu lokot deh ekta photo b share kuri shae. Etu photo deh tai aro Allouache wedding kapra lakai nah taki shae aro flower laka bouquet duri taki shae.
Wong aro Allouache itia tho tui decade nishi nah eki lokot deh taki shae. Taijun Saturday din deh knot tho tie kuri shae Adelaide deh taka ekta winery deh. Adelaide tho South Australia laka capital ase, Sydney Morning Herald pata report kuri shae. Wong tho South Australia laka state keh represent kureh senate deh.
Tai tho 2002 para ekta labor senator ase. Wong tho first Asian-born manu kan Australian cabinet position duri bole. Same-sex marriage tho 2017 deh legal hui shae Australia deh.
Add Comment