Australia jetise Ireland logode, China aro England draw hoise

Bubaneswar, 30 November: Friday din men’s hockey World Cup laga opening Pool D match toh Australia aro Ireland majode khela thaakise. Etu din deh Australia 2-1 score pora jetibole parise. 2010 aro 2014 deh par-par jeti thaga world no.1 Australia toh jai thaga tournament deh ektum phal pora korai ahhise. Hoilebe tai khan logode Ireland pora ektum dekthari deyaa thakise. Australia nemide Blake Govers (11th minute) aro Tim Brand pora goal thali kena jetaideya thakise. Aro Ireland’s nemide ekta goal toh Shane O’Donoghue pora thala thakise. Tusara Pool B match deh China aro England toh 2-2 pora draw hoi kena ase.  China toh next Ireland logode 4 December deh khelibole ase aro etu din dehe England toh power deh thaga two-time world champions Australia logode khelibole ase.