SYDNEY: Wednesday te Australia police koishe embassies aro consulates te kunba suspicious packages potha nimite packages investigate kuri ase. Etu kotha te media aro dusra officials khan khobor kuri kena koishe etu packages toh Melbourne aro Canberra city laga U.S. aro British missions te bhi photaishe.
Australian Federal Police (AFP) koishe packages toh ahi kena thaka emergency services para examine kuri ase. AFP para etu kotha toh khata statement te koishe aro eku bishi details diya nai.
Statement hesab te etu ghatna laga surrounding te huwa circumstances toh investigate kuri ase.
Police khan kun embassies nohoile bhi consulates involve thaka identify kuribo para nai.
Olop samay agote laga Australian media khobor hesab te etu packages toh komti hoile bhi nouta Melbourne te thaka international missions te pothaishe. Melbourne toh Australia laga dusra sob para dangor city ase. Etu packages potha te British, German, Swiss aro Indian embassies.
9News para Images luwa te firefighters aro paramedics khan Melbourne laga Indian aro U.S. missions te rush kora dikhi bo parishe. Staff khan opor te jokom huwa eku immediate khobor pa nai.
Melbourne te thaka British High Commission office laga spokeswoman confirm kurishe ke tai khan bhi etu suspicious packages toh receive kurishe.
Spokeswoman koishe ami khan AFP aro local authorities khan logote ekdam bhal para cooperate kuri ase.
Tai koishe ami khan laga sob staff khan safe ase aro accountable ase.
Add Comment