Russian tennis player Daniil Medvedev opor te $76,000 laga fine lagaisey, tai para Australian Open 2025 event te gusa para react kora nimitey. Etu world number five tennis player, kun last 4ta finals majotey 3ta te pungchisiley, tai tu second round te competition para bahar hoijaisey.
Medvedev para Kasidit Samrej laga khilaf te ekta mushkil, five-set, first-round jeet hasil kora homoitey net te latkikina thaka ekta chutu camera ke tailaga racket para bar-bar marikina bhangaidisey. Etu tu Etu first-round violation(bhanga bhangi kora nohoilebi nyom bhanga) nimitey tailaga opor te $10,000 fine lagaisey. Kasidit Samrej tu 418th best player asey.
Etu picheyte ekjun 19 years laga American Learner Tien logotey second-round te harija homoitey, Medvedev para gusa uthikina thaka laga sign dikha nimitey taikey ekta point penalize kurisey. Etu second-round code violation nimitey tai opor te $66,000 laga fine lagaisey.
Second set te Tien para taikey 4-3 para haraidiya picheyte, Medvedev para tailaga racket tu sideline fale felaidisey aro etu ke court paar kurikina tabtak ghumaisey jabtak etu racket tu tailaga bench osor te lagikina thaka advertisement panel taak pungchanai.
Alag gusa uthikina thaka homoitey, Medvedev para back wall te ekta ball marisey, baseline laga picheyte thaka ekta camera ke giraidisey aro tailaga racket bag ke punch kurisey. Taikey lagatar duita foot faults nimitey warning diya opor te bi khusi napa laga awas uthaisey kuntu laga natija tu second-set tiebreaker te double-fault thakisey.
California laga 19 years laga qualifier, Learner Tien tu 1990 laga Pete Sampras picheyte Australian Open laga third round te pungcha sobsey youngest American hoisey.
Tien tu 121st rank te asey aro etu hapta ageyte tai para tailaga career laga Grand Slam record 0-3 jitiisley. Daniil Medvedev tu rank 5 te asey, tai 2021 U.S. Open jitisiley. Aro juwa 4-saal bhitor te 3-saal Melbourne Park te runner-up thakisey.
Add Comment