November 9, 2020. Monday din Australia para University of Oxford laga Covid-19 vaccine candidate toh local production soru hoishe, etu samai 30 million neshina tawai bonaboli bapana ase koishe. Clinical trials loi thaka samai, pharmaceutical company AstraZeneca para vaccine olaina thaka toh duniyaa te sobse bhal vaccine ase koikena, Xinhua news agency para janai thishe. Australian biotech firm CSL para AstraZeneca aro government logot kotha melaikena vaccine bonabo aro etu 2021 saal atha moina te olabo koishe. “ami khan vaccine bonaboli kam risk loiase aro etu oper te Covid-19 bemari laga clinical trials aro approval toh janibo lage ase,” koikena CSL’s Chief Scientific Officer Andrew Nash para koishe. Vaccine toh ek jun manuh ke tuita thibo, etu matlab 15 million manuh ke thiboli koishe. Hoilebi, tawai toh etai jabole nemite natibo, keli koile Australia’s government regulatory authority, Therapeutic Goods Administration (TGA) para bona kam toh saikena manai bechete hobo koishe. Tawai bona soru kora toh State of Victoria, CSL’s bioreactor facility te thakibo. “bioreactors te otha beche, antigen, nahoile vaccine jarikena vaccine toh filtered aro purified koribo, etu beche final kam toh tawai laga bottle te thakibo,” koikena company para statement te janai thishe. Australia’s University of Queensland (UQ), para ola Covid-19 vaccine candidate toh CSL para aro bonaikena ase aro etai Phase 2b/3 clinical trials jaiase koishe.
Add Comment