Australia para tuita(2) vaccines bonaboli kenishe

September 7, 2020. Monday din te Australia para junai thishe ke, pharmaceutical companies logot agreement hoikena tawai bonaikena supply soruh koribo. Tai khan para tuita(2) COVID-19 vaccines toh 1.7 billion Australian dollars ($1.2 billion) para kotha korishe. Agreement pithor te, Britain’s University of Oxford aro AstraZeneca melikena aro Australia’s University of Queensland aro CSL para desh laga 26 million manuh nemite 84.8 million vaccine bonaboli aro etu sob toh Australian laga city Melbourne te hobo, koikena government para statement te janai thishe. Aro koishe ke, January aro February moina te Australians khan para University of Oxford vaccine toh 3.8 million bonaboli soruh koribo. Prime Minister Scott Morrison para koishe ke, tuita(2) vaccines toh be safe aro effective hoboli lage etu nemite public khan hath te naja agae te ke kam ase sob kotom kora beche thibo. Australians manuh khan nemite ke laga vaccine hoilebi free para thiboli ase koishe.