New Delhi, 8 August 2025: Lieutenant General Simon Stuart, Chief of Australian Army, India visit koribo ase 10 August para 14 August 2025 tak. Tai Indian Army Chief General Upendra Dwivedi aru Ministry of Defence laga senior officers logot high-level meeting koribo. Etu visit ekta important step ase India aru Australia laga military bond strengthen koribo karone, especially Indo-Pacific region te peace aru rules based order maintain koribo karone.
India aru Australia laga defence cooperation bhal develop hoise, regular 2+2 Ministerial Dialogue aru Defence Policy Talks logot. Last 2+2 meeting November 2023 te New Delhi te hoise, aru next meeting 2025 te Australia te hobo. Etu meeting khan joint initiatives, logistics cooperation, interoperability aru strategic planning te bhal cooperation develop koribo karone ase.
Indian Army aru Australian Army laga direct cooperation bhi ekta strong pillar hoise. Joint exercise ‘AUSTRAHIND’ nishena, starting from 2016, ekta major field training exercise ase. Next edition November 2025 te Australia te hobo. Indian Army bhi regularly participate kore multinational exercise ‘Talisman Sabre’ te, hosted by Australia.
2022 te ‘Indo-Pacific Endeavour’ exercise te bhi Indian Army actively participate korise, specially Visakhapatnam phase te, juntu te joint training on HADR, jungle warfare aru counter-terrorism te korise.
Training side te bhi duita Armies ek dusra laga military courses attend kore. Indian Army officers Australia laga defence courses te jai, aru Australian officers bhi India laga NDC, DSSC, HDOC jaga te training loi. CIJW School, Vairengte te Instructor Exchange Programme bhi cholise, juntu te tactical cooperation improve hoise. Regular Subject Matter Expert Exchanges (SMEEs) bhi knowledge share koribo te help korise.
March 2024 te “Alumni Connect” programme “Dosti and Mateship in Defence” theme te rakha hoise, juntu te past trained officers ekta jagah te ahise, friendship aru trust maintain koribo karone.
2022 te Prime Minister level summit te ‘Young Officers Exchange Programme’ launch hoise, juntu late General Bipin Rawat laga vision thakise. Etu programme te young officers duita desh para ek sath training loi aru ek dusra laga work culture bujhe.
‘Army-to-Army Staff Talks’, 2010 te start hoise, 2016 para annually korise. Etu platform te military coordination, strategy discussion aru global matters te cooperation barhaise. Defence industry level te bhi Indian companies Australia ke tactical systems export korise. Army Design Bureau aru Australia laga ‘Digger Works’ ek sath new military solutions develop koribo karone kaam korise.
Simon Stuart laga visit India ke ekta trusted partner hisap te Indo-Pacific te recognize kore, aru military cooperation next level te loi jabole help koribo. Etu visit te strategic trust aru operational coordination aur bhi strong hobo.
Add Comment