Australian Grand Prix: Russel jete she , Mercedes khan beshe ahge te thake she

Melbourne, March 8, 2026: Formula One laga etu sal laga first champion toh George Russell thake she, kute Mercedes khan beshe ahge te thake she season opening Australian Grand Prox te, Tai laga teammate Kimi Antonelli second pai she, aro third toh Ferrari pai she. Qualify te be first pa kena, aro Sunday laga race jete toh, Mercedes khan laga pre season form toh beshe bhal de khea ase. George toh 3 seconds ahge te thake she, Atonelli laga ahge, aro Leclerc toh 15 seconds piche te thake she, Sunday laga race te. Opening nine laps te, Russell aro Leclerc toh first karne beshe bar jakara kure she, ek jun ahge jabo, aro olop piche te ek jun te ahge jabo, enia kure thake she tai jun. Hoile be olop piche te, Mercedes khan toh ahge te jai jaishe, alak khan laga ahge te. Safety car olai ja piche te, Russell pit kure kena hard tire lagai loi she, aro 45 laps karne utu he cholai she.  Aro Sunday laga race te Oscar Piastri race kure bole pare nai, reconnaissance lap te accident ho piche, 40 min race shuru hobole thakea homoi. Aro four times champion Max Verstappen six te thake she Red Bull khan karne.