Australia, 3 March 2025: Duniya laka ekta sopse prolific khun donor- kun laka plasma 2 million opor bacha laka lives bachai shey, tai muri jaishey. James Harrison, tai huma time te muri jaishey nursing home te New South Wales, Australia te 17 February te, taila ghor manu pra janai dishey Monday din te. Tai 88 saal thaki shey. Australia te golden haat laka manu ase koina jani pai, Harrison laka khun te ekta rare antibody, Anti-D ase, kun toh chulai medication bana boleh pregnant ama khan ke dia laka kun laka khun risk te thake taikhan laka jonom nahwa bacha ke hamla kuribo leh. Australian Red Cross Blood Service kun Harrison ke tribute pay kuri shey, tai koishey tai pledged kuri shey donor hubo leh transfusion pai kina, saal 14 te major chest surgery ja time te. Tai blood plasma donate kuribo leh shuru kuri shey 18 saal time te aro continued kuri shey hotai two weeks te, 81 saal nahwa tak.
2005 te, tai world record thaki shey sopse bishi blood plasma donate kura nimite- ekta title tai 2022 tak dhuri shey taike US te manu pra overtake nakura agae te. Harrison laka maiki bacha, Tracey Mellowship, tai koishey taila baba toh bishi proud ase eman bishi lives bacha karne, eku puisa aro duk nathakina. Tai pra koishey, Tai hotai koi nabikhai koina, aro tui life bacha toh nijor la b hubo pareh. Mellowship aro Harrison laka duita grandchildren khan b anit-D immunisation laka recipients ase. Tai koishey, Etu pra James ke kushi kuri shey huni boleh ki eman bishi family taikhan nishina, kun zinda ase taila morom nimite.
Add Comment