North Queensland, 11 Oct 2024: Australian maiki ekta taila life karne hospital te ase. Taila haat taila kuta pra kamuri kina olai dishey .
Townsville te, Friday , 07:00 local time te ekta ghor te emergency services matishey. 34 saal maiki ekta jaan jaboleh la jokom pai kina thakishey.
Taila right haat, elbow la nichi pra kati kina thakishey. Giri ja laka part toh paramedics khan pra loi kina taike local hospital te joldi loi jaishey. Tai serious hoileh b stable condition te ase.
Police khan koishey taikhan opai thakina. Kuta ke tadeh murai dibo lagishey.
Press conference te, Senior Sgt Scott Warrick koishey police khan puncha time te maiki toh ghor bhar te khun bishi giri kina thakishey. Kuta, pitbull toh ghor bitor te thakishey.
Kuta toh bishi aggressive thakishey, bhar te olabo leh kushis kuri thakishey.
Kunba offciers khan ghor ke bon kuri thakishe barricade pra. Alak khan maiki ke paramedics napuncha time te first aid di thakishey.
Sgt Warrick pra reporters khan ke koishey tai 37 saal hoina police officer hoishey. Etu first time ase kuta pra eman biya pra jokom kura toh. Maiki ke bishi biya pra jokom kuri dishey, tai joldi bhal huboleh wish kuri ase koishey.
Add Comment