Montreal, 7 August : Clara Tauson Canadian Open te Australian Open champion Madison Keys ke 6-1, 6-4 te haraiki 2025 sal laga second WTA 1000 semifinal te pahunchi loise.
Tauson first set jitibole sirf 27 minute lagise, aru second set te juti olob tough hoise, Madison Keys laga late comeback bishi deri hoijai thakise. Iga Swiatek aru Madison Keys upor back-to-back jeet loikarne, Tauson laga career te itu prothom bar hoi ase juntu tournament te tai multiple Top 10 player ke haraise. Itu jeet te tai laga total seventh WTA semifinal appearance banaise, WTA report kori ase.
Semifinal te Tauson face koribo four-time Grand Slam champion Naomi Osaka ke, juntu No. 10 seed Elina Svitolina ke 6-2, 6-2 te easily harai semifinal te entry loise.
Osaka Svitolina ke itu match te panch bar haraise total eight match te, aru itu Canadian Open laga semifinal te tai prothom bar pahunchi loise. Overall, itu win te Osaka laga sixth WTA 1000 semifinal hoi ase — aru Miami 2022 piche tai laga prothom WTA 1000 semifinal ase.
Aru Victoria Mboko bhi Monday din semifinal te pahunchi loikarne, itu Canadian Open te prothom bar dui jon unseeded player semifinals te jabole success paise — juntu last hoi thakise 2021 te Jessica Pegula aru Camila Giorgi logot.
Tauson aru Osaka laga semifinal match hobo tai laga second career meeting. First match tu Auckland te hoi thakise itu sal surute, juntu te Tauson jeet paise jetiya Osaka first set 6-4 jitibole piche injury karone retire kori loise.
Add Comment