Wednesday din Melbourne deh India laga tinta pairs toh Australian Open laga men’s doubles event deh harise. Tai khan toh first round para agae jabo para nai. 15th seeded Indian team Rohan Bopanna aro Divij Sharan toh Spanish pair Pablo Carreno Busta aro Guillermo Garcia-Lopez logode 1-6 6-4 5-7 para harishe.
Notun Indian team nemide etu toh second par first-round hara laga ase. Tai khan Tata Open Maharashtra deh jetikena ahha laga ase. Jowah hapta Sydney International deh round of 16 hara thakise. 24th Australian Open deh hesha thaga experience Leander Paes aro tai laga partner Miguel Angel Reyes-Varela para olob bachabole para thakise. Hoilebe American-Kiwi combo laga Austin Krajicek aro Artem Sitak logode 5-7 6-7(4) para harishe.
Jeevan Nedunchezhiyan aro tai laga partner Nicholas Monroe be Kevin Krawietz aro Nikola Mektic logode 6-4 6-7(8) 5-7 para harishe. Tai khan laga khel toh twei khonda aro 20 minutes deh kothom hoise. Qualifiers para ahha bechide Prajnesh Gunneswaran be first round deh harishe. Ramkumar Ramanathan, Ankita Raina aro Karman Thandi para be singles main draw deh bonabole para nai.
Add Comment