Sydney, 10 June : PV Sindhu aru Tanvi Sharma para Australian Open laga second round te qualify korise
Badminton te, P. V. Sindhu aru Tanvi Sharma para Sydney te choli thaka Australian Open tournament laga Women’s Singles event te second round te qualify korise.
Two-time Olympic medallist Sindhu, kun badminton rankings te 10th position te ase, para Peru laga world No. 76 Inés Castillo ke first round match te 21-13, 21-11 pora harai dise.
Sindhu laga next match te tai nijor compatriot Isharani Baruah logot khelibo. Isharani para opener te China laga Han Qianxi ke 22-20, 10-21, 21-14 pora harai dise.
Eki logot, pichla saal BWF World Junior Championships te silver medal jita Tanvi Sharma para bhal form te ghuri aha laga signs dikhai dise. Tai para Chinese Taipei laga world No. 11 Chiu Pin-Chian ke 21-12, 22-20 pora harai dise.
Kali second round te Tanvi para Malvika Bansod logot face koribo. Malvika para Thailand laga Tonrug Saeheng ke 15-21, 21-7, 21-13 pora harai kena next round te qualify korise.
Itu homoi, India laga Men’s Singles challenge first round te khotom hoi jaise. Kiran George, Saneeth Dayanand aru Tharun Mannepalli para nijor respective matches hari kena tournament pora ulai jaise.
Age pora, M. R. Arjun aru Hariharan Amsakarunan para Men’s Doubles event te comfortable victory hasil korikena second round te qualify korise.
