New Delhi, January 12: Indian laga Sumit Nagal tu Sunday te Australia laga Melbourne Park te huwa men’s singles laga first round te Czechia laga Thomas Machac logotey harija picheyte game para bahar hoijaisey. Sumi Nagal, kun Association of Tennis Professionals (ATP) laga singles ranking te 91st rank te thakisey, tai tu duniya te No. 25 te girijaisey. Thomas Machac tu 2 hours aro 5 minute te 6-3, 6-1, 7-5 para jitisey. Etu 27 years laga Sumit tu singles draw te compete kora ekla ekta Indian thakisey. Nagal para suruwat tu bhal para kurisiley, tailaga first 3ta service games te khali duita points drop kurikina. Hoilebi, Machac para seventh game te taikey haraikina 4-3 para lead kurisey. Aro first set tu jitikina khotom kurisey.
Second set te, Nagal logotey suru te points pabole laga chance thakisey. Hoilebi Machac para etu breakpoint loiloisey. Set agey barithaka homoitey Nagal laga performance biya hoikina jaithakisey. Enaka kurikina tai tu next duita service game 40-0 aro 40-15 para harisey. Tai para fifth aro seventh game te Machac laga service ke challenge kora picheytebi point tu banabole paranai.
Nagal para third set te strong suruwat kurisiley. Machac ke second game te haraikina 3-0 te lead kurisiley. Hoilebi, Machac para seventh aro ninth game te Nagal ke haraidisey.
Juwa saal, Nagal tu qualifying rounds laga through para main draw te pungchikina Kazakhstan laga World No. 27 Tennis player Alexander Bublik ke first round te haraidikina chokaidisey. Aro enaka kurikina tai 1989 te Ramesh Krishnan picheyte Grand slam te ekta jeetibole expect kora player ke haraidiya first Indian man hoisey. Tai tu second round te China laga Juncheng Shang laga khilaf te harisiley.
Add Comment