January 23, 2026: Saturday te gorom toh 40 C neshe na bole ase koi she, etu karne Australian Open laga timing olop alak kure bole ase koi she, aro fans khan ke warning de she.
Play toh 10:30 am te shuru kure bo Melbourne te, hosol toh 11:00 nahoile 11:30 am te shuru kurea match toh. Alak court khan te be 10:00 am phane khele bole shuru kure bo koi she. Aro organisers khan para manu ahe kena sa khan ke etu gorom laga warning de she.
Novak Djokovic aro etia laga champion Jannik Sinner aro Madison Keys khan sob Saturday laga match te khele bole ase koi she. Gorom laga forecast hesab te, saturday laga sham phane beshe gorom hobole ase. Hoile be Sunday te toh olop toh normal hoi jabo koi she. Tuesday te beshe uthe bo koi she gorom toh, 43 C neshena.
Tin bar runner-up Daniil Medvedev toh Saturday te khele bole nahoi, hoi le be tai koi she ki, etu gorom toh tai laga practice khan te duk de bole ase. Australian Open khan laga rules hesab te, tournament laga referee khan match rokha bole pare bo, nahoi le thanda hobole laga break be de bole pare bo, beshe gorom hoi jai le toh.
Add Comment