Australian PM:COVID nemite 10,000 jun India te pasikena ase

Melbourne: Friday din Prime Minister Scott Morrison para koishe, 39,000 Australians manuh khan COVID-19 bemari nemite desh bahar te pasikena ase. Sobse besi toh 10,000 manuh neshina India te ase. 32nd National Cabinet thaka beche press briefing samai kotha kora toh COVID-19 oper te Australia laga economic othaboli nemite thakishe. Morrison para koishe, 45,950 oper Australian manuh khan etu saal September 18 darik te nejor desh te botaishe aro 39,000 manuh jabole registered koikena ase. “sobse tangor jaga aro sobse besi manuh ghor wabas jabole toh India para 10,000 neshina manuh ase. United Kingdom te 5,000 manuh ase aro etu neshina dosura desh te be ase. Ami khan para kaun Australians manuh ghor wabas jabole mon ase tai khan logot khobor lui ase, tai para aro koishe. “ami khan laga first kam toh Australians manuh ghor wabas putabo. Aro ami khan dorusa desh bahar te bohi thaka logot direct contact kori ase kaun khan nejor ghor te jabole mon thaka khan logot” koikena Morrison para koishe. “situation toh aha moina putli hobo pareh, United Kingdom te vaccine introduced howa beche putli hobo, keli koile etu jaga para Australians manuh khan nejor desh te wabas ahibo mon ase,” tai aro koishe. Cabinet meeting samai, Morrison para aro leaders khan logot COVID-19 response aro Australian COVID-19 Vaccination Policy nemite kotha korishe koishe. Australia te coronavirus bemari cases toh 28,011 hoikena ase aro 908 manuh morikena ase koishe. Aro desh te 50 active cases ase, etu manuh khan sob toh hotel quarantine te ase. Jaa  hafta dak te community transmission cases eku paikena nai koishe.