Sydney: Australia te Researchers khan para machine elta olaishe ke, novel coronavirus bemar tuh 20 minutes te olai thibo. Etu laga test tuh blood samples te check kurikena result tuh olai dey. Monash University te researchers khan para koishe ke, etu test para boila te bemar thaka aro etai samay bemari thaka manuh logot saboli parey koishe. “etu test para aro bemari tuh joti thuriboli parey aro contact tracing para bemar tuh spread komi kori dey”, koikena researchers khan para ACS Sensors laga kitab te leka janai thishe. Research team tuh BioPRIA and Monash University’s Chemical Engineering Department para lead kurishe aro ARC Centre of Excellence in Convergent BioNano Science and Technology (CBNS) para be thakishe koishe.
Tai khan laga test te, 25 microlitres plasma blood samples aro red blood cells ase, etu para coronavirus bemar tuh olai koishe.
Etai samay swab test kuri thaka para tuh kuan manuh logot coronavirus bemar lakina ase etu khan ke saboli parey aro blood te bemar jama thaka tuh be saboli parey aro joti boila te be bemar thakishe naa nai etu be saboli parey koishe. Ek(1) gonda pithor te 100 samples test kuriboli parey koikena researchers para koishe. Aro tai khan besas ase ke, clinical trials samay antibodies be saboli parebo. Etu kam othikena jabole nemite filed kurishe aro researchers khan para commercial kuriboli saiase aro government logot production karne support thiboli koishe. Duniyaa sob te melaikena novel coronavirus para 13.8 million oper manuh bemar ase aro 600,000 oper manuh morikena ase. Jaa saal China te etu bemar tuh first olaishe. Australia te 11,000 bemari cases ase aro 116 manuh morikena ase koishe.
Add Comment