Author Jhumpa Lahiri para NYC laga Noguchi Museum award decline kurishey

New York, 26 September : Pulitzer Prize-winning author Jhumpa Lahiri para New York City laga Noguchi Museum para ekta award receive kuriboley maana kurishey, itu para three employees ke keffiyeh head scarves lagai thakia karoney fire kuria piche dey, Palestinian solidarity laga ekta emblem.Itu museum, kuntu 40 saal agey dey Japanese-American designer aro sculptor Isamu Noguchi para found kurishey, August dey announce kurishey ki employees khan kaam kuria homoi political messages, slogans nahuiley symbols ke express kuria kapra nahuiley accessories lagaboley naparibo.New York Times para itu khobor agey report kurishey.Amy Hau, itu museum laga director, website dey publish kuria ekta separate statement dey kuishey ki itu policy para taikhan laga diverse visitorship laga unintentional alienation ke prevent kuriboley iraata asey, kitia taikhan Isamu Noguchi laga art aro legacy laga understanding aro appreciation ke advance kuriboley taikhan laga core mission dey focused thakiboley paribo.Pura duniya dey, protesters khan para Gaza dey Israel laga war ke rukhai diwoley demand kurina black-aeo-white keffiyeh head scarf lagai asey, Palestinian self-determination laga ekta symbol. Anti-apartheid South African leader Nelson Mandela ke bhi itu scarf bishi occasions dey lagai thakia dikhi paishey.