Autobiography Kitab, Title “Unveiling The Truth” Koikena, Release Kurishey, Kohima Tey, I. Panger Imchen Para

September 2, 2024: “Unveiling the truth” laga title thaki kena thaka kitab, I. Panger Imchen para likha laga autobiography release kurishey, Kohima Ao Baptist Arogo (KABA) laga Pastor – O. Sashi Ozukum para, hotel de Oriental Grand Kohima tey para, 31^st August, 2024 tey. Itu author I. Panger Imchen toh hoiley ekta retired Director asey, Agriculture department laga aru tai toh hoiley Chungtia village para asey, Mokokchung district under laga. Tai laga note tey, itu Panger Imchen para koishey, itu kitab toh hoiley tai para note kuri kena thaka laga hudai din laga Diary opor tey based asey koishey. Tai laga kahani khan toh eku luka luki nathaki kena khula khuli para present kuri kena asey, aru itu nimitey he, itu kitab laga naam toh “Unveiling the truth” koi kena matey. Tai para koishey ki, itu kitab toh hoiley tai laga jeevan laga event khan laga unveil kurey, charta section khan laga; tai laga poila laga life bacha thaka homoi lag aitu Indian army operation laga homoi tey, tai laga high school aru college life laga, Tai laga service itu Agriculture Department tey, tai laga retirement tak tey, Director hisap tey, itu 2013 tey aru tai laga family aru manu khan ke, kun khan para tai ke influence kurishey. Itu program toh hoiley Kohima Chungtia Fellowship incharge, Tiameren para chair kurishey, invocation laga prathana toh hoile Kohima Aliba Fellowship incharge, Nukshirenla para offer kurishey. Kitab laga opor tey review kuria laga share kurishey Repalemzung Lkr. Publisher, Woods publishers para. Itu kitab toh hoiley ekta dedicatory prathana logotey launch kurishey, pastor KABA, O. Sashi Ozukum para.