October 27, 2025, 06:20 PM: Itu Autumn Festival kuntu toh hoiley prelude hisap tey celebrate kuri thakey, itu 26th edition laga Hornbill Festival 2025 karney, kuntu toh hoiley 24th para 25th October 2025 tak tey, itu Nagaland House, 29-Dr. APJ Abdul Kalam Road, New Delhi laga lawn khan tey, itu toh hoiley India tey Ireland laga Ambassador Kevin Kelly thaki kena khotom kurishey, itu Festival laga second din tey. GoN laga Tourism aru Higher Education laga Minister – Chief Host thakishey itu event tey, tatey Nagaland laga Chief Minister karney Advisor aru IDAN laga Chairman – Abu Metha tatey, Co-host hisap thakishey.
India tey thaka Ireland laga Ambassador – Kevin Kelly para itu jama thaka manu khan ke address kuri kena koishey, ki, itu Festival sai jai kena, itu distinct Naga identity toh hoiley real confidence logotey express kurishey, itu toh hoiley reminder hisap dikhai kena, ki yatey ekta heritage thaki kena asey, evolve hoi thaki kena aru share kuri thaki kena. Remind kuri kena ki, culture toh hoiley display kuria laga nahoi koi kena hoilebi itu toh hoiley fundamental component asey, kuntu laga moi khan manu asey, itu Ambassador para koishey, ki, itu toh hoiley Irish foreign policy laga bishi important part asey aru bishi tarika para, tai khan laga soft power toh.
Historical para eke thaka laga highlight kuri kena, Ireland, India aru Nagaland majetey laga, colonial rule para hey ulai aha laga, kuntu tey tai para state kurishey ki, itu toh relationship ekta particular depth diye koi kena.
Itu Ambassador para itu bhi point out kurishey ki, ekta eke kotha toh ki asey koiley, Ireland aru Nagaland toh hoiley identity laga importance opor tey awareness share kurey, alag alag diverse identity respect kuria laga opor tey.
Tai Nagaland tey travel kuria laga excitement express kurishey, tai laga colleague khan logotey, itu saal pichetey phaney aru itu Hornbill Festival first-hand tey experience kuriboley laga koishey.
Add Comment