Friday, November 7 – Marvel fans khan laga bishi excitement ahibole ase December te, karon report hisab te Avengers: Doomsday laga trailer release hobo December 19, 2025, te, aru etu attach kori dibo Avatar: Fire and Ash laga screening te. James Cameron laga latest Avatar series te etu trailer first time dekhai dibo, juntu Marvel fans khan karone ekta big surprise hobo.
Avengers: Doomsday film toh December 18, 2026 te release hobo, aru etu upor bishi buzz choli ase. Rumour ase Robert Downey Jr. wapas Marvel Cinematic Universe te ahibo, kintu Iron Man nohoi — etiya tai play koribo Doctor Victor Von Doom, ekta powerful villain, juntu story ke ekdom dark aru exciting banabole ase.
Etu film toh Deadpool 3 aru The Fantastic Four: First Steps pichete ahibo, aru new generation superheroes aru mutants — jiman ki Nightcrawler (Alan Cumming) aru Beast (Kelsey Grammer) — khan ke include koribo.
Marvel Studios para official confirm nohoile bhi, source khan koi ase etu December trailer release ekta boro marketing plan laga part ase. Jodi etu confirm hsoile, December toh Marvel fans khan karone ekta memorable month hobo, aru Avengers saga laga new chapter start hobo.
Add Comment