Awards nemite Governor pora Rs. 1 lakh dedese

DIMAPUR, SEPTEMBER 19 : Nagaland Governor PB Acharya Shri PB Acharya pora Rs. 1 lakh poisa Government Hindi Institute, Dimapur ke dedese. Etubi Merit Students kan ke Awards kan debole karne. Tai etu debole khobor te janaidiya toh kedia ami kan state laga khali sorkar Hindi institute Government Hindi Institute koi kena mata laga Principal aro Officials kan ke kotha kura time te janaidiya laga ase. Etubi Raj Bhavan, 19^th September 2018 te.

Etu Governor  porabi etu Institute laga Teachers aro Officials kan ke besi khushi baa janaise. Kele tai kan ami kan Pre Service Indigenous Naga Candidates kan ke Hindi shekibole karne Training manaide kena bhal te sabole kura karne. Tai bi etu Hindi kotha laga hisabte kotha kurikena sob kotha toh eke ase. Aro etu nesena Hindi kotha, ekta ami kan desh laga asul kotha (mother tongue) toh ami kan nemite hi bhal hobo laga ase (identity). Etu karne etu kotha ke hisab kuribi aro janibole kuribi koi kena janaise.

Tai bi etu Institute ke salam diya janaise aro Teachers kan ke  bhal te etu National kotha (Hindi kotha) toh shekaidebole kurikena ahkete luijabole kuribi koi kena mon dangor kura kotha janaide thakise. Aro tai bi etu kotha ami kan Naga manu kan mon de kena shekibole aha kan kebi bhal kotha janaide thakise koise.

Etu Government Hindi Institute laga Principal, Shri Gulab Chandra porabi Governor ke etu Institute toh 1968 sal te khola laga ase. Aro etu pora etu sal Novermber moina phale etu Institute laga Golden Jubilee manabole ase koi kena janaise. Tai bi etu Institute laga Staff kan nemite hisab kura (manage) toh Department of School Education, Nagaland pora sabole kura laga ase. Aro etu Institute toh Central Institute of Hindi Agra ke melekena hi kam julabole kuri ase (affiliated) koi kena janaise.

Etu Principal porabi etu Institute laga khor kan (infrastructure) hisabte kotha kurikena etu Institute laga ki-ki kobi class rooms, office aro toilets kan toh ekdam shuka aro thik nai. Etu karne etu kan sob thik-thak banaidebole karne aro ahkete bhal te luijabole karne saidele aro motub kurile bhal hobo koi kena Governor ke janaide thakise koise. Etu ke juwab de kena Governor porabi thik ase aro saidebole kuribo koi kena janaise koise.