August 12, 2023 : Itu Longleng District laga Department of Food & Civil Supplies para ek din nimitey ekta awareness program organise kurishey, Fortified Rice opor tey, August 10, 2023 tey, koi asey. Itu event toh hoiley VCC & VDB laga Conference Hall tey para loishey, tatey 200 manu khan nishin ahi kena attend kurishey Fair Price Shop laga Owner, Ward laga Chairperson khan, Bosti laga Chairperson khan, GB khan, Civil Society khan, aru beneficiaries.
State Technical Officer (Nagaland) PATH – Shan Ezung para, ekta session conduct kurishey fortification rice opor tey. Tai para explain kurishey fortified rice toh ki karney jaroori asey aru itu tey toh hoiley micro nutrient asey, Iron bhi milai kena, Vitamin B12, aru Frolic Acid khan asey koi kena. Ezung para sapha-saphi kuridishey ki, fortified rice toh plastic nahoi koi kena hoilebi itu toh raic ke he micronutrients logotey milai kena bana laga asey, malnutrition aru anemia logotey combat kuriboley. Tai itu bhi highlight kurishey ki, alag alag fortified items khan distribut kurishey itu food safety networks para.
Add Comment