February 05, 2025, 06:13 PM: Itu Baptist College, Kohima laga Legal Aid Committee para ekta awareness program conduct kurishey, ‘Child Labour Act & Consumer Protection Act laga Legal Provisions related’ opor tey, itu student khan ke legal system khan laga gyan khan logotey enhance kuriboley karney, legal system khan llaga, consumer right khan opor tey prevail kuri kena, aru bacha khan laga protection opor tey, exploitation khan para, child labour khan para, itu event toh hoiley Rivenburgs Chapel Hall, Kohima tey para loishey, 4th February 2025 tey.
Itu program toh hoiley esteemed guest speakers, Neiko Akami ke feature kurishey, kun toh hoiley Nagaland State Legal Services Authority laga Member Secretary asey, kun para toh hoileyy itu session shuru kurishey, itu law laga concept address kuri kena, ‘equality’ emphasize kuri kena, tai khan laga core principle hisap thaki kena. Tai para itu 1986 laga Consumer Protection Act laga significance highlight kurishey, itu toh ekkta vital welfare legalisation hisap koi kena describe kuri kena, kuntu toh hoiley, consumer khan laga right khan ke safeguard kuriboley design kurishey.
Akami para complaint khan laga nature explain kurishey, itu Act under tey, kuntu tey toh hoiley unfair trade practice khan, services tey napuncha thaka, aru saman khan defective thaka laga thaki kena asey. Tai para student khan ke ekta husiyar thaka laga consumer hoboley encourage kurishey aru complaint khan file kuriboley laga process toh shamjhaishey, itu District Consumer Forum tey, compensation nimitey eneka nishina case khan tey.
Consumer right khan logotey, Akami para itu student khan ke, illegal activity khan tey involve thakiboley tey para durr thakiboley urge kurishey, particular para ragging aru narcotic drug khan chulawa khan laga tey, kuntu khan toh hoiley detrimental asey, health aru future prospect khan duita tey bhi.
Add Comment