March 06, 2024 : Awareness Programme loishey Dimapur District tey, brick kiln/ sand mohals/ stone crusher units nimitey, National Clean Air Programme under tey, kuntu toh hoiley Dimapur laga District Administration para organise kurishey, itu event toh hoiley Dimapur laga DC laga Conference Hall tey para loishey, 6th March, 2024 tey.
East Dimapur Town Council laga ADC & Administrator – Mhalo Humtsoe para tai laga key note address tey koishey, itu awareness programme toh hoiley organise kuria toh, aru bhi bhal sapha hawa laga pollution assure kuriboley karney loishey, Dimapur tey, itu sand mohals/ brick kiln and stone crusher units laga modod para. Tai para note kurishey ki, itu Ministry of Environment, Forest aru Climate (MoEFCC) para itu National Clean Air Programme (NCAP) launch kurishey, January 2019 tey, hawa laga quality improve kuriboley karney, 131 city khan tey, 24 State khan / UTs khan tey, sob stakeholder khan ke engage kuri di kena. Tai para itu stakeholder khan ke matishey responsibility loboley, itu society nimitey, aru ekta aru-bhi bhal tarika bisari-boley Dimapur laga hawa laga quality toh bhal kuriboley karney. Humtsoe para itu bhi inform kurishey ki guidelines khan toh hoiley issue kuribo koi kena, olop din pichetey, kuntu toh hoiley strict para follow kuriboley lagibo koishey.
Itu programme toh hoiley Dimapur laga EAC – Imlijungla Lemtur para chair kurishey. Nagaland Pollution Control Board (NPCB) laga Junior Scientific Assistant – Rongsenben Longkumer para Mission LiFe opor tey highlight kurishey, aru itu homoi tey Pollution Industries laga Regulation Related aru Air Pollution opor tey Presentation toh hoiley Yanathung Kithan, Scientist ‘B’ (NPCB) para share kurishey.
Add Comment