July 15, 2026: Itu Power laga Department, itu Sub-Divisional Officer (Electrical) laga Office, Jalukie, Peren under tey, ekta awareness programme organize kurishey, Smart Meter Implementation, aru itu Rooftop Solar Scheme opor tey, itu Women Welfare Hall, Jalukie Town tey, 15th July, 2026 tey.
Itu programme tey kotha kuri kena, EE (E), Peren, Electrical Division, Er. Tsiamchi para inform kurishey ki, itu smart meter khan laga installation toh hoiley ekta India Government laga initiative asey, kuntu toh hoiley nationwide tey implement kurishey, tai khan laga power sector reform khan laga part thaki kena. Tai para koishey ki, 1,890 smart meter khan toh hoiley agey para install kuri kena asey, itu division tey.
Tai para state kurishey ki, itu awareness programme toh hoiley, doubt khan aru misconception khan hataboley karney organize kurishey. Itu technology khan laga benfit khan highlight kuri kena, tai para koishey smart meter khan toh hoiley accurate para electricity consumption record kurey, kuntu para consumer khan ke allow kurey, prepaid aru postpaid billing option khan majetey choose kuribo paribo koi kena aru itu toh hoiley essential asey, available rooftop solar installation khan nimitey, itu PM Surya Ghar Muft Bijli Yojana under tey.
