February 14, 2025, 07:48 PM: Itu Land Resources laga Department para ekta teen din laga awareness campaign organise kurishey, itu Watershed Yatra opor tey, Lakhuti village, Akuk village aru Sanis town tey, Wokha district under tey, 10th para 12th February 2025 tey. Itu campaign conduct kuriboley laga objective toh hoiley manu khan laga participation generate kuriboley aru awareness baraboley karney kuria laga asey, watershed development activity khan laga, itu Watershed Development Component of Pradhan Mantri Krishi Sinchayee Yojana 2.0 (WDC-PMKSY 2.0 under tey.
Sanis laga ADC – Benjamin Longkap para conservation laga importance opor tey term kuri kena stress kurishey, mati aru pani toh life laga basis hisap thaki kena aru tai para tatey jama kuria manu khan ke encourage kurishey, aru mati aru pani laga resource khan manage kuriboley laga promotion kuriboley laga encourage kurishey, moi khan laga livelihood aru sustainability nimitey.
Government initiative khan ke appeal kuri kena, sustainability achieve kuriboley, tai para itu jama kuria manu khan ke encourage kurishey, proactive part loboley karney, eneka nishina programme tey, community participation baraboley karney aru yaad dilaishey ki, eneka nishina scheme toh hoiley khali present generation ke hey benefit kuriboley aim kuria nahoi, hoilebi itu toh hoiley future generation ke bhi benefit kuriboley karney focus kuria laga asey.
Itu teen din laga awareness campaign tey, painting competition aru quiz competition bhi conduct kurishey sob location khan tey. Itu painting competition toh hoiley itu “Natural resource Conservation”, “Water Conservation” aru “Save Tree, Save Earth” under tey loishey.
Add Comment