Awareness programme plant genetic resources conservation opor te thaki shey Chumoukedima te

Chumoukedima, 19 February 2026: Ekta tin din Plant Genetic Resources (PGR) conservation awareness program cum training Organic Farming opor te shuru hoishey Agri Expo, Chumoukedima te, 19 February 2026 te. Programe toh ICAR-National Bureau of Plant Genetic Resources (NBPGR), Delhi, pra ogranised kuri shey collaboration te SAS, Nagaland university, Medziphema campus lokot aro Department of Agriculture, Government of Nagaland. Inaugural programme toh graced kuri shey Sidramappa M. Chalkapure, IFS, CCF (D&P) aro Member secretary, State biodiversity Board, GoN special guest hoi kina aro Prof. Akali Sema, professor in-charge, Research cell, SAS, Nagaland University laka, session toh chaired kuri shey. Sidramappa M. Chalkapure, IFS taila address te, state kuri shey ki programme toh significant ase kileh maneh etu pra sop scientists, scholars, community leaders aro farmers ke eki lokot aneh common platform te knowledge, research findings aro practical insights exchange kuribo leh. Tai pra koishey ki inika interaction toh participants khan ke enable kureh ekjun ekjun pra hikibo leh, gap bridge kureh scientific expertise aro traditional wisdom bitor te sustainable practice foster kuribo leh.
Tai pra explained kuri shey ki duita primary types ase conservation laka- in-situ conservation, kun toh species khan ke protect kureh taikhan la natural habitats te, aro ex-situ conservation, kun toh preservation involve kureh natural environment bahar te botanical garden nahoi leh seed bank nishina. Tai pra koishey ki etu programe exemplifies kureh ekta powerful combination etu approaches laka- scientist contribute kureh ex-situ through methods, tadeh government departments aro officials focus kureh in-situ strategies opor te, formal policies aro on-ground implementation pra support kura. Nagaland la ecological importance highlight kuri kina, tai pra koishey ki state toh Indo-Himalayan biodiversity hotspot la hisa banai, ekta ase 36 recognised hotspots worldwide.