WOKHA : Ami kan desh laga sob logot eke pora melekena Wokha District te bi Ayushman Bharat – National Health Protection Mission/Pradhan Mantri Jan Arogya Yojna (AB-NHPM/PMJAY) toh Deputy Commissioner laga Office Conference Hall, Wokha te 23rd September 2018 te manaise.
Etu AB-PMJAY din manai kena Deputy Commissioner, Wokha & Chairman District Health Society, Dr. Manazir Jeelani Samoon, IAS, pora etu Programme toh ami kan desh te ekta dangor wala Health Care chis ase. Aro etu Scheme ula pora edia toh dukhiya manu kan besi junk e bhal hobole laga ase koi kena janaide thakise koise.
Etu din nemite Chief Medical Officer, Wokha, Dr. Robin Lotha porabi kotha kurise. Aro tai etu Scheme laga bhal kotha kan etu din te chama kura kan ke janaide thakise koise. Aro chuti dukhiya manu kan aro bemar manu kan dukh bai ase aro etu Scheme laga pora motub lagi koile District Hospital, Community Health Centers, Sanis aro Bhandari aro Mhondamo Memorial Hospital te jai kena motub lobole bari koi kena janaide thakise koise.
PEREN : Peren District te bi S. Tainiu, Deputy Commissioner aro Chairman District Health Agency, Peren pora etu Ayushman Bharat – National Health Portection Mission/ Pradhan Mantri Jan Arogya Yojna (AB-NHPM/PMJAY) toh te 23rd September 2018 te OPD Complex, District Hospital, Peren te manaidese. Aro etu manabole kura toh Department of Health aro Family pora manabole kuri kena mana laga ase koise.
Etu din te kotha kurikena DC Peren pora public leaders, NGOs, students aro youth kan sob ke etu Health Oriented Programme toh tai kan District te ekdam bhal te manaidebole aro kam julabole karne mon mela-mele thakibole kuribi koi kena janaise. Kele etu pora Health toh Wealth hisabte huijabole nemite koi kena.
Etu din te Dr. Supongmenla, Deputy CMO pora bi Keynote Address toh etu NHPM Programme laga hisabte kuridese. Aro etu Programme toh Dr. Manie Machieo Nodal Officer NHPM pora ahkete luijai kena manaidese. Aro Vote of Thanks toh Dr. Hatlhing Hangsing, MS District Hospita, Peren laga pora kuridese koise. Aro etu Scheme laga naam pora Beneficiaries kan naam te thaka kan Peren District te kobi Rural jaka pora 11,084 jun, Urban jaka te 505 jun, Peren Town te 137 jun aro Jalukie jaka pora 368 jun thakise koise.
MOKOKCHUNG : Deputy Commissioner, Mokokchung, Sachin Jaiswal pora etu AB-NHPM/PMJAY toh Imkongliba Memorial District Hospital, Mokokchung te 23rd September 2018 te manaidese. Etu Programme te kotha kurikena tai etu Din toh ekta bhal laga Scheme Government of India, Prime Minister National Health Scheme laga bitorte ula laga ase. Aro etu Scheme pora dukhiya manu kan nemite bhal kuridebo laga aro motub kuridebo laga ase koi kena janaide thakise.
Etu Programme toh Dr. Kibangkumba, Deputy CMO, Mokokchung pora ahkete luijai kena manaidese. Aro etu oporte tai bi Keynote Address bi kuridese koise. Aro tai etu din te kotha kurikena eu AB-NHPM/PMJAY scheme bitorte 2 ta Central kan pora manabole kura scheme ase. Etu toh Rashtriya Swasthya Bima Yojana (RSBY) aro Senior Citizen Health Insurance Scheme (SCHIS) 2 ta ase koise. Aro kun-kun etu Scheme laga naam pora ki-ki babole mon ase etu kan toh Imkongliba Memorial District Hospital, Impur Mission Hospital, Woodland Nursing Home Community Health Centre Changtongya, Mangkolemba, Tuli aro Public Health Centres kan tai kan District laga te jabo lagi koi kena janaide thakise.
Etu din laga Programme toh Pastor Yanglu, MTBA pora suru kuri kena suru huise. Etubi Prathana kuri kena. Vote of Thanks toh Dr. Medem, Medical Superintendent IMDH, Mokokchung pora kuridese. Aro etu Programme te Representatives kan Ao Senden, Watsu Mungdang, Indian Red Cross Society, Rotary Club, Medical Fraternity aro Press Fraternity, Mokokchung laga pora ahe kena thakise koise.
LONGLENG : District Health Agency Longleng kan District Level AB-NHPM/PMJAY toh 23rd September 2018 te DC Video Conferencing Hall te manaise. Aro etu din laga Programme toh Deputy Commissioner, John Tsulise Sangtam pora suru kuridese koise.
Etu din laga Programme toh Dr. Wannau Phom, District Nodal Officer (AB-NHPM) District Hospital Longleng pora ahkete luijai kena manaidese. Aro tai etu Programme te Powerpoint presentation bi dekhaidese. Aro tai bi kotha kurikena etu Mission laga Key Features aro tusera ki-ki bhal nemite bhal kotha janaide thakise koise.
Add Comment