New Delhi, 20 November : Australian Open te Ayush Shetty aru Lakshya Sen duijon bhi agota round te jai kene ekta all-Indian quarterfinal clash banai dise. Dusra side te, HS Prannoy aru Kidambi Srikanth ajikali tournament para early exit loise. Top-seed Indian men’s doubles pair Satwiksairaj Rankireddy aru Chirag Shetty bhi last-eight te easily puhchi kene Chinese-Taipei laga Su Ching Heng aru Wu Guan Xun ke 21-18, 21-11 te harai dise. Satwik-Chirag laga pair quarterfinal te Indonesia laga fifth-seeded pair Fajar Alfian aru Muhammad Shohibul Fikri logot khelibo.
Ayush Shetty, fourth-seeded Kodai Naraoka ke 68 minutes laga contest te 21-17, 21-16 te harai dise. Quarterfinal te tai India laga number-one player Lakshya Sen logot khelibo, jun Taipei laga Chi Yu-jen ke 21-17, 13-21, 21-13 te harai dise.
Prannoy, jun etu saal te ekbar bhi pre-quarterfinal para uporte jabo parianai, etu bar Indonesia laga eighth seed aru former junior world champion Farhan Alwi logot pace rakhibo na parikene 19-21, 10-21 te harise.
Add Comment