Ayushmann Khurrana aro Rashmika Mandanna tu ‘Vampires of vijay Nagar’ te eksath kaam kuribole asey

New Delhi, June 25 : Bisi saal para, film producer Dinesh Vijan para horror comedy(bhoi kha laga bi aro comedy bi thaka film) banabole bisi bhal para janijaisey. Tai para etu tu 2018 te ‘Stree’ film logotey suru kurisey. Aro picheyte ‘Bhediya’ aro ‘Munjya’ film release kurikina tailaga nojor laga horror comedy duniya banaisey. Tailaga film Stree 2 kuntu te Shraddha Kapoor aro Rajkumar Rao asey etu film tu August 15 te theatre te release hobole tayar hoi asey. Aro etu majotey enaka khobor pai asey ki Dinesh Vijan tu tailaga ‘Munjya’ film laga director Aditya Satpodar logotey ‘Vampires of Vijay Nagar’ film nimitey aro ekbar eksath kaam kuribole asey. Khobor pa hisap te Dinesh Vijan aro Aditya Satpodar para etu film nimitey Ayushmann Khurrana aro Rashmika Mandanna ke lead role kuribole chunisey. Ayushmann Khurrana aro Dinesh Vijan tu ageyte bi ‘Bala’ film te eksath kaam kurisiley aro duijun majotey ekta bisi bhal creative rishta asey. Taikhan tu bisi din para  ‘Vampires of Vijay Nagar’ ke loikina disuss kuri asey. Aro etya etu film laga shooting tu etu saal laga last fale, November te suru kuribole asey. Ayushmann Khurrana aro Rahmika Mandanna tu first time ekta film te eksath kaam kuribole asey. Etu duijun actor logotey alag alag khubi asey aro taikhan para film sa manu khan ke surprise kuridibole asey. Etu film laga script tu etya likhi asey aro joldi hi pre-production stage te jabole asey.