Ayushmann Khurrana tu Vicky Donor picheyte back-to-back flop film disey

New Delhi, June 30 : Ayushmann Khurrana tu dangor screen te first time tailaga film Vicky Donor logotey ahisey. Etu film tu 2012 te release hoisiley. Etu film tu profit kama laga hisap te bi aro manu khan para judge kora laga hispa te bi hit thakisey. Hoilebi etu film para Ayushmann laga career ke barabole eman modod koranai. Etu film picheyte tailaga next film khan tu back-to-back flop hoi thakisey. Aro Dum Laga Ke Haisha film picheyte hey tai hit film dibole parisey. Etu te eku doubt nai ki Ayushmann para kunba bisi bhal script chunisey. Hoilebi etu script khan tu tai nimitey kaam koranai. Aro tai para 2015 te Bhumi Pednekar logtey ekta movie kora picheyte hey tailaga biya din tu jaijaisey. Recently Forbes India logotey kotha kora homoitey, etu Article 15 film laga actor(Ayushmann) para koisey ki ekta asol manu hobole nimitey, manu khan tu failure(nakamyabi) logotey deal kuribole janibo lagey. Ayushmann para kuwa hispa te, judi kunba para taikhan laga career suru huwa homoitey failure (nakamyabi) experience koranai koiley, picheyte taikhan nimitey etu ke deal kuribole mushkil hobo. Ayushmann, kun etya 39 years hoisey, tai para admit kurisey ki thik tailaga first film picheyte tailaga 3ta film- Nautanki Saala, Bewakoofiyaan aro Hawaizaada tu flop hoisey. Aro etu kiley asey koiley tai enaka kisim laga film offer khan hey pai thakisey.  Tai para Dum Laga Ke Haisha film picheyte hey lagatar 8ta hit film disey. Ayushmann para koisey ki etu tu actor laga bari te nohoi. Hoilebi apni para lok pa scriptwriter aro apni para film chuniya laga opor te asey. Ayushmann laga next film tu Border 2 aro Vampires of Vijay Nagar asey.