India, 17 October : Former Pakistan captain Moin Khan para itia laga skipper Babar Azam ke gaalishey India laga khilaf taikhan laga World Cup match dey haria piche dey Saturday. India para Pakistan ke haraishey Narendra Modi Stadium dey taikhan laga jeet toh agey lui jawoley itu tournament dey. Bat kuriwo dia piche dey, Pakistan toh 155/2 thakishey ekta stage dey, huilewi pura puria 191 tak girishey. Babar para 50 (58) score kurishey kitia Mohammad Rizwan para ekta 69-ball 49 halishey. Match ke sai thakia homoi, Moin kuishey ki Babar “bhui kha nishina dikhi thakishey” aro alag khiladi khan bhi itu nishna eki body language thakishey.
“Babar laga batting toh ekta captain nishina, tai laga thik khel thakianai. Tai 58 balls luishey. Tai kitia crease dey ahishey, tai ekta settled pitch dey thakishey kitia agey wicket toh 41 tak girishey. Tai flow toh olob maintain kuribo lagishey aro olob attack kuribo lagishey. Intent toh team pitor dey dikhi jai. Juti tui laga captain toh shots khiliwoley bhui khai kuiley, mota alag bhi eki para react kuribo,” Moin kuishey A Sports dey.
Taikhan pressure andar dey thakia nishina dikhishey aro itu karoney, taikhan bhaal para shots maribo parianai. Tui bhui khai asey ki tui shots maria homoi bahar ulawo na nai. Mui eku intents para bhi intent dikhianai,” tai halishey.
Veteran all-rounder Shoaib Malik para Babar laga leadership dey bhi sawaal uthaishey, kuishey ki tai toh top-ranked teams laga khilaf plan B aro plan C nai.
Babar Azam toh chulaina ahi asey, itu tai laga responsibility aset. Khiladi khan logit buhibi. Plan B aro C thakibo lagey. Kitia tui dangor team ke khiley, taikhan tui laga plan A ke counterattack kurey, aro tui answer ekta nathakey” Malik kuishey eki discussion dey.
India laga jeet Pakistan laga khilaf para taikhan ke World 2023 Cup standings laga upar lui jaishey.
Add Comment