Bacha Ekta Ke Abuse Kuria Laga Khobor Paishey, Wokha District Tey, Sanis Town Tey

April 14, 2024 : Aru bhi ekta mon- nabukha laga aru bacha ke abuse kuria laga kaam, Wokha district tey para hoa laga khobor paishey, ekta child abuse laga incident tey, Sanis Town tey, April 12^th ,2024 tey. Khobor hisap tey koishey ki, itu bacha ke toh hoiley gaaw mangso tey biya para abuse (mari) kena asey ekta Zubeni koa manu para, kun hoiley tatey Sanis town tey thaka manu asey koishey, itu bacha laga theng haath aru gaaw laga pichey phaney jokhom thaka laga dagi khan thakishey koishey, aru itu sawa homoi tey olop khun khan ula laga bhi dikhi paishey koishey itu bacha laga matha khan aru mukh khan bhi phuli phuli kena thaka dikhishey koi asey.  Khobor pawa hisap tey Zubeni para itu bacha ke torture kuria toh, itu bacha  para anda khan chor kuria para marishey koishey, itu maiki laga ghor tey para. Itu bacha laga baba ke phone tey para kotha kuria homoi tey, itu bacha laga baba toh hoiley complaint lodge kuriboley manna kuri dishey koishey, tai itu maiki ke maaf kuri dishey koishey, hoiley itu toh hoiley law enforcing agency khan laga opor tey asey, itu galti kuria maiki opor tey aru action lobo nan nai.