Guwahati, September 19, 2020: Saturday te Assam government para 12-sal neji bacha nemide free liver, kidney aro bone marrow transplant surgeries debo karni daiyar koribole fesla korise.
Health Minister Himanta Biswa Sarma para National Health Mission, Assam laga aegis pithor te ekta programme lowa samai te koise, “State government para desh laga hospitals te 12-sal neji bachae ke liver, kidney aro bone marrow transplants debo nemide 100 percent support debo koise”.
Sarma para parent khan kon etu nesana transplants nemide poila para afford koribole napari etu khan nejor laga bacha ke October 10 direk Guwahati Medical College and Hospital te screening camp nemide anibole koise.
Tai para ami khan laga doctors para bacha ke sabo (examine) aro etu nesana organs laga arrangement bechide desh laga hospitals te advanced surgeries nemide pothabo koise.
Seva Saptah laga occasion te State Health Department para 70 bacha laga treatment nemide expenses bear korise. Etu laga te 35 to cardiac surgery aro bone marrow transplant nemide Bengaluru aro Kolkata te jabo aro tusara bachi kena 35 bacha khan ke eki nemide Guwahati te jabo.
Minister para bacha khan jonom powa samai para alak alak defects thaka besi ase koise. Etu nemide ami khan laga scheme, Speha Sparsha pithor te, ami khan etu nesana surgeries para facilitate koribole fesla korise koise.
Add Comment