New Delhi, April 12 : Bade Miyan Chote Miyan film release hoisey aro etu film tu ekta bumper opening paisey. Etu film kuntu te Akshay Kumar aro Tiger Shroff asey, etu film para manu khan laga mon jiti asey aro fan khan tu dhamakedaar action dikhikinakhusi para pagla hoi asey. Bade Miyan Chote Miyan tu winner hoisey aro box office te Rs 36.33 crore kamaisey. Etu film para box office te India te Rs 155.5 crore maan kamaisey, kamayi tu aro baribo parey. Bade Miyan Chote Miyan tu out and out action film asey. Aro first time Akshay para Tiger logotey milikina film bana laga asey aro taikhan laga jori tu successful hoisey.
Etu film te surprise package tu Prithviraj Sukumaran asey kun para tailaga villain roop te, aro ekbar manu khan laga mon jitibole parisey. Akshay para etu film laga trailer launch huwa homoitey Prithviraj tu tai para bi behtar actor asey koikina declare kurisiley.
Etu film laga leading actree Manushi Chillar aro Alaya F para bi bisi bhal kaam kurisey. Manushi tu etu film te ekta surprise package thaksiey. Aro etu tu Akshay Kumar logotey tailaga secnd film asey.
Overall Bade Miyan Chote Miyan tu ekta dhamakedaar action asey aro manu khan etu film ke parivar logotey enjoy kuribo parey.
Add Comment