Badminton Asia Championships: Dhruv Kapila-Tanisha Crasto Duo, Quarters te harishey

Pune, 11 April : India laga last bacha thaka player Dhruv Kapila aru Tanisha Crasto, Badminton Asia Championships 2025 te mixed doubles quarterfinals te haar khaiki bow out korise. Itu Indian juti Friday din Hong Kong laga fifth-seeded Tang Chun Man aru Tse Ying Suet logot 22-20, 21-13 te harise.

Thursday din, Dhruv aru Tanisha Chinese Taipei laga Ye Hong Wei aru Nicole Chan logot khela te 12-21, 21-16, 21-18 te comeback kori jeet paise. First game 12-21 te hari jaa pisot, dujon miliki second game 21-16 te loi ase aru tense third game 21-18 te jeet paise. Khel tu Ningbo Olympic Sports Centre Gymnasium te hoisey.

Dusra haat te, India laga singles campaign Thursday din khotom hoise jetiya PV Sindhu, Priyanshu Rajawat, aru Kiran George laga second-round match harai jaise.

Sindhu dangor fight dise, kintu last te Japanese former world champion Akane Yamaguchi logot 11-21, 21-16, 16-21 te hari jaise, second game te pichari thaka bhi comeback kori challenge korise.

Men’s singles te, Kiran world champion Kunlavut Vitidsarn logot tough battle dise kintu 21-19, 13-21, 16-21 te haar khaise. Priyanshu Kodai Naraoka logot 14-21, 17-21 te harise.

Men’s doubles te, Hariharan Amsakarunan aru Ruban Kumar Rethinasabapathi, juntu Sri Lanka laga Madhuka Dulanjana aru Lahiru Weerasinghe ke harai second round te ghusise, tara Thursday din Paris Olympic bronze medallist Malaysia laga Aaron Chia aru Soh Wooi Yik logot 15-21, 14-21 te haar khaise.

Day 1 te, Paris 2024 semifinalist Lakshya Sen, HS Prannoy aru Malvika Bansod sob first round te he knock out hoijaise.

Sen world No. 14 Lee Chia-hao (Chinese Taipei) logot straight-game defeat te haar khaiki bahar hoise.

Prannoy fight dise, kintu China laga Lu Guangzu logot 21-16, 12-21, 21-11 te haar khaise. Itu hoise ta laga aita saal laga chhota tournament te fourth first-round exit.

Malvika, juntu women’s singles ranking te 22nd ase, world No. 15 Gao Fang Jie logot 21-14, 21-8 te haar khaise. Gao hoise Asian Games silver medallist. Women’s doubles te, India laga challenge khotom hoise jetiya Priya Konjengbam aru Shruti Mishra, Chinese Taipei laga Sung Shuo-yun aru Yu Chien-Hui logot 21-11, 21-13 te haar khaise.