Qingado, 7 February : China laga Qingdao-te khel hoi thakia Badminton Asia Team Championships-te India laga challenge Friday din quarterfinal-te khotom hoise. Men’s team Korea pora 1–3 te hare, aru women’s team favourites China pora 0–3 te hare.
Group C-te Japan pichete second position-te qualify kori, men’s quarterfinal-te India Satwiksairaj Rankireddy aru Lakshya Sen absent thaka karone nijor singles strength upor depend korise. Strategy-to kaam kori ase buli lagise jetiya Ayush Shetty first singles-te Yoo Tae Bin biruddhe decider-te tin-ta match point paise. Kintu former world junior bronze medalist tai tin-ta opportunity convert koribo naparise. Nijor tin-ta match point save kori aru aru ekta match point paise buli bhi, last-te Indian player 18-21, 21-14, 26-24 score-te 1 ghonta 24 minute-te match harise.
Korea tar pichete lead barai dise jetiya Song Hyun Cho aru Kim Won Ho India laga scratch pair Hariharan Amsakarunan aru Chirag Shetty ke 21-11, 21-13 te haraise.
Former world number 1 Kidambi Srikanth Choi Ji Hoon ke 21-15, 21-16 te haraikena India laga hope jinda rakhe. Kintu second doubles-te Jin Yong aru Ki Dong Ju Pruthvi K Roy aru K Sai Pratheek ke 21-11, 21-16 te haraikena Korea match-to wrap up kori dise.
Age-te, defending champions India women’s team, PV Sindhu absent thaka karone, bisi strong Chinese women’s team logot match koribo naparise. World no. 10 Gao Fang Jie first singles-te Tanvi Sharma ke 21-9, 21-9 te haraikena China laga semifinal march start kori dise.
India laga top doubles pair Treesa Jolly aru Gayatri Gopichand, world no. 4 pair Jia Yi Fan aru Zhang Shu Xian biruddhe opening game-te ekta game point paise, kintu last-te 24-22, 21-18 te hare.
Itu pichete Rakshita Sree Xu Wen Jing biruddhe opening game jitisena comeback laga hope uthai dise. Kintu momentum hold koribo napari, tai 14-21, 21-15, 21-17 te match harise.
Add Comment