Basel: Sunday, Basel te PV Sindhu pora World Championships chitiya karne Badminton Association of India (BAI) pora 20 lakh laga cash reward dise, aro tai pora tournament te gold medal chitibole pohila Indian maiki hoi kena tai laga nam record books te bhi olai dise.
women’s singles final te Sindhu bura habta ektam phal khilli kena Japan’s Nozomi Okuhara ke 21-7, 21-7 pora harai dise.
Sindhu ke tai laga kamiyab karne congratulate kuri kena, BAI president, Himanta Biswa Sarma pora koise, “etu habta toh top-class badminton laga sobse phal habta dhakise, aro PV Sindhu laga ektam phal khel dhakise kintoh world champion howa karne samman dibole pohila Indian ase. Men’s singles category te B Sai Praneeth laga medal proa 36 sal biche te ektam tangor kamiyab laga kahani ase. Indian badminton aro bura desh karne ektam khushi aro tangor din ase kintoh moi khan etu kamiyab laga khushi manai ase.”
Prakash Padukone 1983 te World Championships laga medal chitiya biche te World Championships laga men’s singles te medal chiti kena kahani bonai dise.
BAI laga Ajay K. Singhania, General Secretary, pora duita player ke bhi taijun laga mehnat karne praise kurise. “Sindhu pora tai laga ektam phal performances dekhai dise kintoh tai pora champions te chiti kena medal paise. National coach Pullela Gopichand aro foreign coach Kim Ji Hyun duijun ke bhi taijun laga ektam mehnat howa pora khushi pai dise, aro Sai Praneeth prora bronze medal chtibole karne khiliya laga mehnat bhi nabahowribo. Moi shuttlers duijun ke bhi congrates kuribole mon jai, enika phal performances toh ahibole laga players khan nimede bhi ektam mon tangor hobole laga ase,” Singhania pora koise.
Sindhu toh aro bhi chuibar khiliya te panchta medal pai kena World Championships te sobse kamiyab women’s singles player hoise. Tai legendary Zhang Nin logot eki hoise. BWF World Tour Finals te jowa sal chiti kena etu toh Sindhu laga second major title ase.
Add Comment