London, 5 December : Badshah March 22 te London laga The O2 Arena te concert dibole set hoise, aru tai hobo agey Indian rapper juntu itu stadium te perform koribo.
Itu event TCO Group laga prodúce aru promote kuria, TM Ventures aru Rock On Music laga partnership te.
Press release hisab te, “Fans khan ekta landmark live show expect kuribo pare, juntu te Badshah tin ghonta laga dangor performance dibo, tai laga chart-topping gaana, cult favourite aru tai laga das saal te banaikena ahise thaka recent anthem khan milai kene.”
Badshah koise ki The O2 te perform kora tai karone ekta milestone pora upore ase. “Itia moi bishi saal pora sapna dekhi ahise. Desi hip-hop global stage te thakibo lage, aru itu show amikhan laga declaration ase. London, amikhan etiya history banaibo — olop besi loud, besi proud aru dangor. 22 March 2026 ami logot forever remember koribo,” tai statement te koise.
General ticket sale December 12 pora start hobo. TCO Group laga managing director Neal Karia koise, “itu concert South Asian music karone global level te ekta historic milestone ase. Badshah The O2 lead kora mane Indian music laga scale, ambition aru global appeal ke dekhai. Ithu talent, culture aru Badshah laga generation pora build kora movement laga ekta celebration ase.”
TM Ventures laga co-founder aru director Alaap Gosher koise, “Badshah O2 Arena te perform kora Indian hip-hop karone ekta defining milestone ase. Tai tirelessly work korise, bar bar nijeke reinvent korise, aru world-wide fans logot ekta deep connection banaise. Ithu moment tai laga journey, tai laga courage aru Indian hip-hop te laga belief laga ekta celebration ase. TM Ventures te, amikhan itu opportunity scale koribo aru amikhan laga artist khan ke world laga dangor stage te loi jabole committed ase.”
Add Comment