New Delhi, 27 February : Manipuri language film Boong, director Lakshmipriya Devi para banai thaka, recently BAFTA Film Awards te award jitishey. Itu first Indian film ase kuntu BAFTA award jitishey. Film agey te India te September 19, jaa saal te, select city aru cinema hall te PVR INOX te release hoisey.
Itu Lakshmipriya laga directorial debut ase. Friday din, actor-filmmaker Farhan Akhtar X (former Twitter) te announcement kori disey. BAFTA award jita film March 6 te theatre te phir ahibo.
Boong ekta lora laga kahani ase, kun ekla ma logot Manipuri village te thake. Taikhan laga baba Joykumar, juntu bahar kaam kori thakise, ekdin achanak gayab hoijai — eku khabar nai. Mori jaise niki? Nahole taikhan ke chari disey niki? Ma ke “best gift ever” dibole mon kori, Boong nijor best friend logot baba ke bisaribo jatra shuru korey. Film te Gugun Kingpin aru Bala Hijam lead role te ase.
Film recently 79th BAFTA Film Awards te Best Children’s & Family Film award jitisey. Programme February 22 te Royal Festival Hall te hoisey, London te. Itu Arco, Lilo & Stitch aru Zootropolis 2 logot nomination paise. Awards te itu ekmatra Indian film nomination paisey.
Boong world premiere 2024 te Toronto International Film Festival te hoisey. International Film Festival of India aru MAMI Mumbai Film Festival te screening hoisey. Film ke Excel Entertainment (Farhan aru Ritesh Sidhwani laga company), Chalkboard Entertainment aru Suitable Pictures produce korise.
Add Comment