Baghdad Airport te tinta(3) rockets marishe

September 7, 2020. Katyusha khan laga tinta(3) rockets Baghdad Airport te kerishe aro etu samay jarta(4) gari beya kori thishe koikena Iraqi military para koishe. Etu hamla toh saam te hoishe aro rocket toh Baghdad laga city center, Abu Gharib chaka para marikena airport te kerishe koikena Iraqi Joint Operations Command (JOC) laga media office para Sunday din te kowah Xinhua news agency janai thishe. Ekta rocket toh airport chaka te gari park hoikena thaka te lakishe aro civilian 4 jun laga gari beya korishe, JOC para khobor thishe. Etu rocket hamla kora te kuan group para be nam lowah nai. Baghdad Airport, Iraqi military bases, Iraq te US jawan thaka chaka aro Green Zone te US embassy thaka khan te mortar aro rocket para hamla kori thaki koishe. Iraq te, US sepia khan 5,000 oper neshina thakiase aro tai khan para Iraqi sepia khan logot melikena Islamic State militants logot larai koriase aro etu oper te Iraqi sepia khan ke training aro kotha be thiase koishe.