Bahrain Prime Minister, 84 umer te morishe

Manama: November 11, 2020. Bahrain’s Prince Khalifa bin Salman al-Khalifa, duniyaa te sobse lamba Prime Minister, independence beche 1971 saal para korikena thaka Wednesday din 84 umer te morishe koikena, state media para junai thishe. Prince Khalifa office te thaka samai jamila besi thakishe aro tai Sunni-desh Shiite manuh logot kelaaf thakishe. Ketai Shiite manuh khan para Manama’s Pearl Square chaka toh ek moina nemite 2011 saal te loishe, tai khan laga demand toh Khalifa te hatabole koishe. Khalifa para Bahrain laga political aro economic te besi tangor 30 saal neshina kam korishe. Prince Khalifa toh United States, Mayo Clinic Hospital te morishe, koikena Bahrain News Agency para koishe. Tai laga ceremony toh ghor pongcha beche loboli koishe. Coronavirus bemari neum thaka nemite manuh aro ghor manuh toh komti hesab te loboli ase. Desh te ek hafta nemite official te saman thibo. Government ministries aro department khan 3 din nemite bondh thakibo koishe.  Tai toh November 24, 1935 saal te jonom paishe, Khalifa para tai baba laga royal court te 7 saal umer thaka samai para tai tangor dada Prince Issa logot thakishe.Tai ke, 1970 saal te state council te head junishe. Britain logot independence paa beche, government laga executive branch toh council of ministers hoishe. Tai para Shah of Iran, Mohammad Reza Pahlavi logot independence napa agae te kotha koikena thakishe. Independence bechete, Sheikh Khalifa laga government oper te leftist political groups khan para tangor protest korishe, tai khan para trade unions legalization mangishe, etu samai manuh besi jun ke thurishe. First parliamentary elections toh December 1973 saal te thakishe, hoilebi Sheikh Khalifa’s government toh August 1975 saal te kerishe, etu samai tai para state security law toh mana nai, keli koile government para manuh khan logot trial nathakina thuriboli hokom thaka nemite.