“Bakala kota nishi nah bola bole lakeh’: Manchester united manager Ruben Amorim

December 8, 2024: Manchester United manager Ruben Amorim para Premier league keh jiti bo karne, taila team tho bakala kuta nishi nah bola bole lakeh kui shae nahoile taikan ekta chance b nai. “Bola team natakileh Premier League keh jiti bole kitia b napari bo. Apni dunia deh sobse bhal players laka starting line up kuri bo pari bo, hoile b nabula tak taikan b naji tibo. Mukan bakala kuta nishi nah bola bole laki bo, enaka kura nai koile tho mukan naji tibo. Problem tho taikan etu kuri bo pari bo? Taikan  training deh kuri taki leh tho, taikan games deh b pari bo. Taikan aro bhal hobo. Apni aro phat jab oleh pari bo, hoile b training deh aro bola bole laki bo. Taikan professional athletes ase. Sob coach lokot deh ekta alak method ase,” tai para kui shae. Portuguese manager para b present deh kui shae, United tho ekta dango club ase hoile b dangor team nahoi. “Utu tho bishi clear ase. Mukan ekta dangor club ase, hoile b mukan ekta dangor team nahoi. Mukan jani ase, etu karne etu kubo leh eku problem nai. Mukan aro biswas kuri bole lakeh. Mukan lokot deh kun bah bhal saman kana se, hoile b itia b bishi kuri bole baji nah ase kui nah apni feel kuri bole pareh. Mukan final third deh aro bhal kuri bole lakeh,” tai para kui shae.